Turi Turin ( Cerpen )Nande Maka Nande


Kunu nina nuria, lit me nina sada turi-turin anak kucing; nandenan mbiring kal rupana. Anak kucing e rusur kurang mejile akapna nandena, perbahan nandena e mbiring kal rupana. E maka isambarina me atena nandena.
Lawes me ia ndahi matawari nina: “O matawaei, aku kam kal ateku kubahan jadi nandengku, sebab kam terang kal rupandu.” Reh nina matawri ngaloisa: “O anak kucing, kami matawari enda pe suah kal akap kami. Sebap adi reh embun, minter kal bene terang kami e, itutupina kami, gelap minter.”
Kenca bage lawes ka me anak kucing e ndahi embun nina mindo: “O embun, aku kam kal ateku kubahan jadi nandengku, sebap matawari pe banci italukendu.” Reh nina embun e ngaloisa: “Labo bage, o anak kucing! Kami pe gulut nge akap kami, sebap reh kenca angin, iembusna kami, minter mistak kami.”
Kenca bage lawes ka me anak kucing e ndahi angin, nina mindo: “O angin, aku kusambari ateku nandengku: kam kal ateku jadi nandengku.” Ngaloi ka angin, nina: “O anak kucing, labo bagi katandu e, kami angin enda pe mesui nge ate kami, sebap adi rembus kenca kami minter itombeng deleng.”
Lawes ka me anak kucing e ndahi deleng, nina: “O deleng, aku kam kal ateku kubahan jadi nandengku, sebap angin pe banci italuken kam.” Ngaloi deleng nina: “Labo bagi katandu e, o anak kucing. Kami deleng-deleng pe lit nge sinanggel kami, sebap keri meruhruh daging kami ikuruki menci.”
E maka lawes ka anak kucing e ndahi menci, nian: “O menci, kam kal ateku kubahan jadi nandengku, sebap deleng-deleng pe talu nge ibahan kam.” Ngaloi menci nina: “Labo bagi katandu ena, kami ras anak-anak kami itangkap kucing mbiring ah!”
Kenca bage maka lawes me anak kucing ndai ndahi kucing mbiring e (eme nandena ndube) janah nina ibas ukurna: “Nande nge kepe maka nande.
Share:

Tidak ada komentar:

Posting Komentar



Recent Posts

Arsip Blog