Polisi Ngendia???

Ibas sada motor sewa lit sekalak si mbestang kel awakna, janah sekalak si isampingna anak perana kuta, ngenen dagingna si mbestang, nungkun me anak perana ndai

Anak Perana  : O pak…. Kam tentera???

Si Mbestang   : Lang…

Anak Perana  : Polisi???

Si Mbestang   : Lang…

Anak Perana  : Koramil???

Si Mbestang   : Lang…kai kin???

Anak Perana  : Dage, angkaten laut, ntah udara, ntah..

Si Mbestang   : Kai kin yah???maka nungkuni kam ndai nari???

Anak Perana  : Adi labo kam alat Negara, e kemali kam…

Si Mbestang   : e… engkai ka maka bage nindu??

Anak Perana  : Nen min nahe ku e… nggo bengkak ndai nari dedehmu mejin!!!

Salam : Kesain Rumah Derpih

Share:

Selengkapnya

Gulpa Ras Tongat

Gulpa  : O tongat…tukur sitik inemen ku kede nteh…

Tongat: Inemen kai pa?? Sprite ntah Cocacola?

Gulpa  : kakakola saja nteh…

Tongat: Si botol ntah si kaleng

Gulpa  : Botol Saja nak….

Tongat: Si mbergeh ntah si Biasa??

Gulpa  : Mbuesa kuakap penungkunenmu pe!!!! Lang air putih saja nteh…
Tongat: Lau ntah Aqua???

( nggo naik pitam si Gulpa )

Gulpa  : Aqua nteh…!!!

Tongat: Si mbergeh ntah sibiasa???

( Gulpa reh belinna rawana )

Gulpa: Anakei….sibiasa saja nteh. lang ja sapu sapu ndoh…gelah kupalu takalmu e???

Tongat: Sapu lidi ntah sapu purih???

( Nggo berteng ayo Gulpa )

Gulpa  : Kemalina anakei…bali ko ras binatang pe….

Tongat: Kucing ntah biang pa???

Gulpa  : Biang engko nteh biang…

Tongat: Daluna ntah beruna???

( Nggo keri belas belas Si Gulpa )

Gulpa  : Nggo me nak yah… salah aku Ketua…

Salam : Kesain Rumah Derpih

Share:

Selengkapnya

Jalan Keluar

Ibas perjabun pa laba, maka ijanjikenna man ndeharana gelah sada masa pagi ibabana ndeharana bulan madu dingen gawah gawah ku Bali, kenca tande lima tahun dekahna, sura sura ndai lalap la erkesehen, emaka nuntut menda si ndehara man Pa laba.

Ndehara          : Labo bage Pa. Laba, maka nggit pe aku nai man bandu, perban ijanjikenndu mbarena man bangku maka erbulan madu kita ku Bali, nggo seh lima tahun aku ertima, lenga kuidah pernah singetkendu pe kerna janjindu ndai, lang uga kin, adi labo ter peseh ndu, ntah sirang ndai menda kita???

Pa. Laba         : Ula bage min mak e, sabar kam yah…

Ndehara          : E labo bage Pa. Laba, bulan enda adi lenga kin kita berkat gawah gawah ndai, mulih ndai nge aku…

            Latih akap Pa. Laba ngukurisa, janah nina

Pa. Laba         : Labo bage yah, sijumpai cuba bapa, ntah banci kari sampatina kita…

Emaka berkat me Pa. Laba ras ndeharana ku rumah Bapana.

Pa. Laba         : Labo bage pa, mbarena sanga lenga aku erjabu ras permainndu, nggo pernah kujanjiken maka gawah gawah kami ku Bali, jadi lenga bias sen ku, emaka enta dage sen ndu 7 juta nari, sen ku 3 juta ngenca.

Bp. Pa Laba    : iiiii… Adi sen kin pindon mu, e labo lit nak, tapi adi jalan keluar, banci ku tuduhken…

Meriah kel ukur Pa. Laba ras Ndeharana, sahun kang kami ku Bali ndai me…. Nina bas ukurna.

Bp. Pa laba     : e nte…arenda jalan keluar…

Nina Bp. Pa Laba janah tuduhkenna pintun na.

Emaka berkat me Pa. Laba ras Ndeharana alu manjar anjar ku rumah na.

Salam : Kesain Rumah Derpih

Share:

Selengkapnya

Tudung Satur

Bp. Bujur Ras Bp. Lajor sangana ersatur i kede kopi tupung nangdangi lawes kujuma. Sangana asik ersatur emaka reh me Nd si bujur…

Nd. Bujur        : O….bapa bujur…iyah eta kujuma ndai….gelah pompandu ka Kol ta ndai yah…

Bp. Bujur        : Ue…kentisik nari, sangana meriah e….

Nd. Bujur        : Lang uga kin? Kede ena saja si ingani??

Bp. Bujur        : Tenang kam min lebe mak…sangana asik e ningen…

Tupung nande Bujur ngeranai ras Bp. Bujur, emaka pedalan Bp. Lajor me Kastel na.

Bp. Lajor        : Ena nah… Skak…

Bp. Bujur        : iiii…. Ena kap yah, ngeranai kam lalap je, dah kam nggo skak na pe raja nta ndai, kai nari ban tudung na e Nd. Bujur…

Nd. Bujur        : Mompa ningen, Tudung, tudung nim…. Lang e ban tudung na nah… nce gincui, emaka empoi ka…

Perbahan emosina, ibenterken Nd. Bujur me tudungna ku papan satur ndai, piah kencah kerina buah satur ndai.

Salam : Kesain Rumah Derpih

Share:

Selengkapnya